శరన్నవరాత్రి ఉత్సవములు - శ్రీ దుర్గా దేవి

శ్రీ దుర్గా దేవి

దుర్గతులను నివారించే మహాశక్తి స్వరూపముగా అమ్మవారు నవరాత్రులలో అష్టమి తిథిలో దుర్గాదేవిగా దర్శనమిస్తుంది. ఈ అవతారములో అమ్మ దుర్గముడనే రాక్షసుడిని సమ్హరించినట్లు పురాణములు చెబుతున్నాయి.

పంచప్రకృతి స్వరూపములలో ప్రధమమైనది దుర్గారూపము.  భవబంధాలలో చిక్కుకున్న మానవుడిని ఈ మాత అనుగ్రహించి మోక్షాన్ని ప్రసాదిస్తుంది. కోటి సూర్య ప్రభలతో వెలుగొందే అమ్మను అర్చిస్తే శత్రుబాధలు తొలగిపోతాయి. విజయము కలుగుతుంది. సకల గ్రహ దోషములు అమ్మను పూజించినంతమాత్రమునే ఉపశమింపబడతాయి. ఆరాధకులకు అమ్మ శీఘ్ర అనుగ్రహకారిణి.

పూజా విధానము: ఎర్రని బట్టలు పెట్టి, ఎర్రని అక్షతలతో, ఎర్రని పూలతో అమ్మని పూజించాలి.
మంత్రము: "ఓం దుం దుర్గాయైనమః" అనే మంత్రమును  పఠించాలి.
దుర్గా సూక్తము పారాయణ చేయవలెను.
దుర్గా, లలితా అష్టోత్తరములు పఠించవలెను.
నివేదన: పులగము నివేదన చెయ్యాలి.

• మొదటి రోజు: శ్రీ స్వర్ణ కవచాలంకృత దుర్గా దేవి
• రెండొవ రోజు: శ్రీ బాలా త్రిపుర సుందరీ దేవి
• మూడొవ రోజు: శ్రీ గాయత్రీ దేవి
• నాల్గొవ రోజు: శ్రీ అన్నపూర్ణా దేవి
• ఐదొవ రోజు: శ్రీ లలితా త్రిపుర సుందరీ దేవి
• ఆరొవ రోజు: శ్రీ మహాలక్ష్మీ దేవి
• ఏడొవ రోజు: శ్రీ సరస్వతీ దేవి
• ఎనిమిదొవ రోజు: శ్రీ దుర్గా దేవి ( దుర్గాష్టమి )
• తొమ్మిదొవ రోజు: శ్రీ మహిషాసుర మర్దినీ దేవి  ( మహర్నవమి )
• పదొవ రోజు: శ్రీ రాజ రాజేశ్వరీ దేవి ( విజయదశమి )

పులగము చేసే విధానము

* * *

Image & Content Courtesy: Sri Durga Malleswara Swamy Devasthanamu.