Subscribe

శ్రీ విశ్వనాథాష్టకమ్


Please wait while the audio controls are loaded...


శ్రీ బాలసుబ్రహ్మణ్యం
శ్రీ వెంకటశాస్త్రి


శ్రీ విశ్వనాథాష్టకమ్

గంగాతరంగరమణీయజటాకలాపం
గౌరీనిరంతరవిభూషితవామభాగమ్
నారాయణప్రియ మనంగమదాపహారం
వారాణసీపురపతిం భజ విశ్వనాథమ్

వాచామగోచర మనేకగుణస్వరూపం
వాగీశవిష్ణుసుర సేవిత పాదపీఠమ్
వామేణ విగ్రహవరేణ కళత్రవంతం
వారాణసీపురపతిం భజ విశ్వనాథమ్

భూతాదిపం భుజగభూషణభూషితాంగం
వ్యాఘ్రాజినాం బరధరం జటిలం త్రినేత్రమ్
పాశాంకుశాభయవరప్రదశూలపాణిం
వారాణసీపురపతిం భజ విశ్వనాథమ్

శీతాంశుశోభితకిరీటవిరాజమానం
ఫాలేక్షణాతల విశోషిత పంచబానమ్
నాగాధిపారచితభాసురకర్ణపూరం
వారాణసీపురపతిం భజ విశ్వనాథమ్

పంచాననం దురిత మత్త మతంగజానాం
నాగాంతకం ధనుజపుంగవపన్నగానామ్
దావానలం మరణశోకజరాటవీనాం
వారాణసీపురపతిం భజ విశ్వనాథమ్

తేజోమయం సగుణ నిర్గుణమద్వితీయం
మానందకందమపరాజిత మప్రమేయమ్
నాగాత్మకం సకల నిష్కళమాత్మ రూపం
వారాణసీపురపతిం భజ విశ్వనాథమ్

ఆశాం విహాయ పరిహృత్య పరస్య నిందాం
పాపే రతిం చ సునివార్య మనస్సమాధౌ
ఆధాయ హృత్కమలమధ్యగతం ప్రవేశం
వారాణసీపురపతిం భజ విశ్వనాథమ్

రాగాదిదోషరహితస్వజనానురాగం
వైరాగ్యశాంతినిలయం గిరిజా సహాయమ్
మాధుర్య ధైర్య సుభగం గరళాభిరామం
వారాణసీపురపతిం భజ విశ్వనాథమ్

వారాణసీపురపతేః స్తవనం శివస్య
వ్యాసోక్తమష్టక మిదం పఠితా మనుష్యః
విద్యాం శ్రియం విపుల సౌఖ్యమనంత కీర్తిం
సంప్రాప్య దేహ విలయే లభతే చ మోక్షమ్

విశ్వనాథాష్టకమిదం పుణ్యం యః పఠేః చ్ఛివసన్నిధౌ
శివలోక మవాప్నోతి శివేన సహమోదతే

~ ఇతి శ్రీ విశ్వనాథాష్టకమ్ ~






0 comments:

Post a Comment