అవినయమపనయ విష్ణో దమయ మనః శమయ విషయమృగతృష్ణాం
భూతదయాం విస్తారయ తారయ సంసారసాగరతః
దివ్యధునీమకరందే పరిమలపరిభోగసచ్చిదానందే
శ్రీపతిపదారవిందే భవభయఖేదచ్ఛిదే వందే
సత్యపి భేదాపగమే నథ తవాహం న మామకీనస్త్వం
సాముద్రో హి తరంగః క్వచన సముద్రో న తారంగః
ఉద్ధృతనగ నగభిదనుజ దనుజకులామిత్ర మిత్రశశిదృష్టే
దృష్టే భవతి ప్రభవతి న భవతి కిం భవతిరస్కారః
మత్స్యాదిభిరవతారైః అవతారవతా వతా సదా వసుధాం
పరమేశ్వర పరిపాల్యో భవతా భవతాపభీతో హం
దామోదర గుణమందిర సుందరవదనారవింద గోవింద
భవజలధిమథనమందర పరమం దరమపనయ త్వం మే
నారాయణ కరుణామయ శరణం కరవాణి తావకౌ చరణౌ
ఇతి షట్పదీ మదీయే వదనసరోజే సదా వసతు
* * *
ఇతి షట్పదీస్తోత్రం సంపూర్ణం
* * *
Special Thanks to:
1. TTD (Image)
2. Sri Sunder (Audio)
0 comments:
Post a Comment